Sunday, November 27, 2005

അനന്തം അജ്ഞാതം

അനന്തം; അജ്ഞാതം

പറയുന്നത്‌ നേരായേക്കാമെങ്കിലും
പേരില്ലെങ്കിലതിന്‌
നെറികേടിന്റെ
വിലപോലും കിട്ടില്ല.

നെറികേടിനൊപ്പം പേരുണ്ടെങ്കില്‍
സ്വസ്ഥം, എല്ലാം ശാന്തം.

ഒരു പേരിലെന്തിരിക്കുന്നു?
എന്നു ചോദിച്ചവന്‍
വിഢി;
പേരിലാണെല്ലാം.

പേരുകള്‍ നേര്‍രേഖകളാണ്‌.
പരസ്പരം കാണുമ്പോഴും
അവ കൂട്ടിമുട്ടില്ല.

പേരില്ലാത്തവരേ നിങ്ങള്‍
നേര്‍വരകളെ ചിതറിക്കുന്നു.

പേരെന്താ എന്നു ചോദിക്കുമ്പോള്‍
പേരയ്ക്കാ എന്നെങ്കിലും പറയൂ.

5 comments:

സു | Su said...

നേരായാലും നെറികേടായാലും ഒരു പേരുള്ളത് മൊഴിയാൻ കഴിയാത്തവർ പറയാൻ വരുന്നതെന്തിനാ? പേരക്കയെന്നെങ്കിലും വിളിക്കാൻ ഉണ്ടെങ്കിൽ നല്ല കാര്യമല്ലേ? ഒളിപ്പോര് യുദ്ധത്തിൽ പോരേ?

കലേഷ്‌ കുമാര്‍ said...

നന്നായിട്ടുണ്ട്!

മന്‍ജിത്‌ | Manjith said...

സു|Su
പേരില്ലാത്തവരെ ഇനി പേരയ്ക്കാ എന്നു വിളിച്ചോളൂ...

കലേഷ്|kalesh
നന്ദി. ഇതും നന്നായി എന്നു പറഞ്ഞതിന്.

Anonymous said...

Thankalil oru kavi olinju kidappundallo....

Thulasi said...

kickoff football blog,commantukaLuTe 'goal' mazhayayirikkum.