എല്ലാരും കാണുന്നതുപോലെ ഞാനും സ്വപ്നങ്ങള് കാണാറുണ്ടെങ്കിലും( ഉണ്ടെന്നുതന്നെയാണെന്റെ വിശ്വാസം) അവയൊന്നും ഓര്ത്തെടുക്കാന് കഴിയാറില്ല. ഉറക്കത്തില്ക്കണ്ട സ്വപ്നങ്ങള് ഉണരുമ്പോള് എന്നെവിട്ടു പറന്നുപോയിരിക്കും.
ആകെ ഒന്നോരണ്ടോ സ്വപ്നങ്ങളേ എനിക്കോര്ത്തെടുക്കാന് പറ്റിയിട്ടുള്ളൂ. അതിലൊന്ന് പത്താം ക്ലാസ് പരീക്ഷയില് എനിക്കു ഹിന്ദിക്ക് അന്പതില് അന്പതും കിട്ടി എന്നതായിരുന്നു! ഈ സ്വപ്നങ്ങളുടെ അനന്തസാധ്യതകള് അന്നേ മനസിലാക്കി പല സ്വപ്നങ്ങളും കണ്ടെങ്കിലും എല്ലാം കൊതിപ്പിച്ചു കടന്നുപോയി എന്നു പറഞ്ഞാല് മതിയല്ലോ.
ഏതായാലും വിശാലന്റെ സ്ക്രാപ് സ്വപ്നങ്ങള് വായിച്ചശേഷം എന്റെ സ്വപ്നലോകവും ഓര്മ്മയിതളുകളും കടുത്ത മത്സരത്തിലാണ്.
അങ്ങനെ വളരെക്കാലത്തിനുശേഷം ഇതളുകളില് ഒരു സ്വപ്നം പറ്റിപ്പിടിച്ചിരുന്നു. അതിലെ നായകന് വക്കാരിയാകുമ്പോള് (വക്കാരിയുടെ രണ്ടാമത്തെ നായകവേഷം) പറയാതിരിക്കുന്നതു മോശമല്ലേ.
*** ***
ഒരു തിങ്കളാഴ്ച പുലര്ച്ചെ ഉറക്കമുണര്ന്നതും പത്രക്കാരന്റെ സൈക്കിള് മണിയടിക്കുന്നു. ചേട്ടനെയും ചേച്ചിയെയും ഓട്ടത്തില് തോല്പ്പിച്ച് പത്രം കൈക്കലാക്കി വിജയാഘോഷം പതിന്മടക്കാക്കാന് ചരമ പേജ് അവര്ക്കു കൊടുത്തു ഞാന് പാരായണത്തിനിരുന്നു. അപ്പോഴുണ്ട് വീട്ടുപടിക്കലുള്ള ബസ് സ്റ്റോപ്പില് ആദ്യവണ്ടിയിറങ്ങി എന്റെ സുഹൃത്ത് ദീപു നടന്നുവരുന്നു.
“എന്നാടാ കൂവേ വെളുപ്പാം കാലത്ത് ഈ വഴിയൊക്കെ, നിന്നെ കണ്ടിട്ട് ഒരുപാടായല്ലോ”
“നീ വന്നകാര്യമറിഞ്ഞു. ഒന്നു കാണാന് വന്നതാ”
“അല്ല, നീയിപ്പോഴെവിടെയാ?”
“ഞാന് കാണ്പൂര് ഐ ഐ റ്റിയില് പഠിക്കുകയാ”
“വയസു പത്തുമുപ്പതായല്ലോടാ കൂവേ, ഇതു നിര്ത്താറായില്ലേ”
“വയസായാല് പഠിക്കാന് മേലെന്നുണ്ടോ. തലമൂത്തു നരച്ച വക്കാരി ഇപ്പോഴും വിദ്യാര്ത്ഥിയാണെന്നാണല്ലോ പത്രത്തില് കണ്ടത്”
ങ്ഹേ, ഇവനെങ്ങനെ വക്കാരിയെ അറിയാം എന്നു ചോദിക്കാനൊരുങ്ങിയെങ്കിലും വേണ്ടെന്നുവച്ചു. പത്രത്തില് വായിച്ച പരിചയമായിരിക്കും.
“ഏതായാലും നീ വാ, ഇന്നിവിടെ തങ്ങുകയല്ലേ? ഒന്നു കുളിച്ചു ഫ്രഷായിവാ. എന്നതാ നിനക്കു കഴിക്കാനെടുക്കേണ്ടത്?”
“എനിക്കു ചോറുമതി”
“ങ്ഹേ, ഈ കൊച്ചുവെളുപ്പാംകാലത്തു ചോറോ?” അമ്മയാണതു ചോദിച്ചത്.
“ഒന്നും പറയേണ്ടെന്റമ്മേ, ഇപ്പോ ഇതൊക്കെയാ ശീലം”
“അപ്പോ നിന്റെ പ്രിയപ്പെട്ട സാമ്പാറും പാവയ്ക്ക ഫ്രൈയും തന്നെ കറി, അല്ലേ?”
“അതെ, പക്ഷേ, ആ പാവയ്ക്കാ ഫ്രൈ നന്നായി കരിച്ചു വറുത്തോളൂ”
“ഇവനിതെന്നാ പറ്റി. പാവയ്ക്കാ കരിച്ചു വറുക്കുകയോ? ശരിക്കും നിന്റെ ഗവേഷണം എന്നതാടാ കൂവേ”
“ഗവേഷണം ഗവേഷണം തന്നെ. പക്ഷേ, പാവയ്ക്കാ കരിച്ചുവറുക്കുകയാ വക്കാരി സ്റ്റൈല്”
ശെടാ, പിന്നേം വക്കാരി. ഇവനിതെന്റെ വീക്നെസില് തന്നെ കയറിപ്പിടിച്ചു കാര്യങ്ങള് നേടുകയാണല്ലോ. ഇനി വക്കാരിയെങ്ങാനുമാണോ ഇവനെ പറഞ്ഞുവിട്ടത്.
ഏതായാലും അവന് കുളിജപം കഴിഞ്ഞുവന്നു. ജീവിതത്തിലാദ്യമായി അമ്മ ചോറും കറിയും പ്രാതലായി വിളമ്പി മേശപ്പുറത്തുവച്ചിരുന്നു. അപ്പോഴുണ്ട് ദീപുവിന്റെ അടുത്ത നമ്പ്ര.
“എടാ കുറച്ചു പത്രമിങ്ങെടുത്തോണ്ടുവാ”
“ഇവിടെ കുറച്ചു പത്രമില്ല. ഒരു പത്രമേയുള്ളൂ. നീ വന്ന കാരണം അതെനിക്കു കൈമോശം വന്നു”
“എടാ പഴയകുറേ പത്രക്കടലാസെടുക്കാനാ പറഞ്ഞത്. അതു വിരിച്ചു നമുക്കു നിലത്തിരുന്നു കഴിക്കാം”
നിലത്തിരുന്നു കഴിക്കയോ എന്നു ചോദിച്ചില്ല. അതാണല്ലോ വക്കാരി സ്റ്റൈല്.
അങ്ങനെ തറയിലിരുന്നു പ്രാതല് ചോറു കഴിച്ചു. പാവയ്ക്കാ ഫ്രൈ ആവുന്നത്ര കറുപ്പിച്ചെടുത്തിട്ടുണ്ട് അമ്മ. എന്നാലും അവനതു മതിയായോ എന്നൊരു തോന്നല്.
“ആട്ടെ എന്താ നിന്റെ പ്രോഗ്രാം?, കറക്കം വല്ലതുമുണ്ടോ?”
“കുറേയുണ്ട്. ഏതായാലും ആദ്യമേ വക്കാരിയെക്കാണാന് പോകണം”
അപ്പൊഴേക്കും എന്റെ കണ്ട്രോള് പൊയിരുന്നു.
“അല്ല നീ കുറേ നേരമായി വക്കാരി വക്കാരീന്നു പറയുന്നു. ശരിക്കും വക്കാരിയെ നിനക്കെങ്ങനാ പരിചയം?”
“പരിചയമോ? ഇതു നല്ല കാര്യം. എടാ വക്കാരി എന്റപ്പന് ബേബിച്ചന്റെ പ്രിയശിഷ്യനല്ലയോ. ഞങ്ങള് അന്നെ നല്ല ഫ്രണ്ട്സാ”
ഇവന്റപ്പന് ബേബിച്ചനു പോസ്റ്റാപ്പീസിലല്ലാരുന്നോ പണിയെന്ന് അപ്പുറത്ത് അടുക്കളയില് അപ്പനുമമ്മയും മെല്ലെച്ചോദിക്കുന്നതു ഞാനും കേട്ടു. ഏതായാലും ഇവനു വക്കാരിയേം വക്കാരിക്കിവനേം അറിയാമല്ലോ. രണ്ടു നല്ല വാക്കു പറഞ്ഞുകളയാം.
“വക്കാരി ശരിക്കും ഒരൊന്നൊന്നരയാളാ, കേട്ടോടാ കൂവേ. എന്തൊരറിവ്, എന്തൊരു ജ്ഞാനം”
“എടാ ബ്ലോഗില് അതിന്റെ പകുതിയേയുള്ളൂ. വക്കാരിയെപ്പറ്റി എന്റപ്പന് പറഞ്ഞിരിക്കുന്നതു കേക്കണം. നീ ഞെട്ടിപ്പോകും”
“ങ്ഹേ വക്കാരിക്കു ബ്ലോഗൊള്ള കാര്യവും നിനക്കറിയാമോ?”
“പിന്നെ, എനിക്കല്ലേ അവന് ആദ്യമേ ലിങ്കയച്ചു തന്നത്”
“അല്ല നിന്റപ്പന്റെ അരുമശിഷ്യനായിരുന്നിട്ടും നിന്റെ പരിചയക്കാരനായിട്ടും വക്കാരീടെ ഒരു തരി ഗുണം പോലും നിനക്കു കിട്ടീല്ലല്ലോടാ കൂവേ”
“ശെടാ, ഇതു നല്ല കൂത്ത്. യേശുദാസ് എന്റപ്പന്റെ ശിഷ്യനായിരുന്നല്ലോ. എന്നുവച്ച് ഞാനും അതുപോലെ പാടണമെന്നു പറഞ്ഞാല് എങ്ങനെയിരിക്കും”
ങ്ഹേ, യേശുദാസിനെ ഇവന്റപ്പന് പഠിപ്പിച്ചിട്ടുണ്ടെന്നോ? ശെടാ എന്തോ പന്തികേടുണ്ടല്ലോ.
പോയി എല്ലാം പോയി. ഇതു സ്വപ്നം തന്നെ. ഞാന് മെല്ലെ കയ്യനക്കി. ഞാനിവിടെത്തന്നെയുണ്ട്. വീട്ടില് തറയിലിരുന്ന് പ്രാതല്ച്ചോറുണ്ണകയൊന്നുമല്ല. സീമന്ത പുത്രി അടുത്തുകിടപ്പുണ്ട്. നല്ല പാതി രാവിലെ പുട്ടുകുടം നിറയ്ക്കുന്ന സ്വരവും കേള്ക്കാം.
ഓ അപ്പോ ഉറക്കമുണരാറായി. എന്നാല് ശരിയങ്ങനെ. മുഖമൊന്നു കഴുകാം എന്നു കരുതിച്ചെന്നപ്പോഴുണ്ട് കണ്ണാടിയില് എന്റെ പ്രതിബിംബം എന്നോടൊരു ചോദ്യം ചോദിക്കണു.
“അല്ലാ, വക്കാരിയേപ്പറ്റി കൂട്ടുകാരനോടു വാചകമടിക്കുന്നതു കേട്ടല്ലോ. ഈ വക്കാരി വക്കാരിയാണെന്നല്ലാതെ വക്കാരിയേപ്പറ്റി തനിക്കെന്തറിയാം ഹേ”
ഞാന് കീഴടങ്ങി. ഓരോരോ സ്ക്രാപ്പ് സ്വപ്നങ്ങളേ!
കുറിപ്പ്: ഈ പോസ്റ്റിലെ ചില ഭാഗങ്ങള് ചില പ്രത്യേക കാരണങ്ങളാല് മാറ്റിയെഴുതിയിട്ടുണ്ട്. കാതലായി ഒന്നുമില്ലാത്തതിനാല് കാതലായ ഒന്നും നഷ്ടപ്പെട്ടിട്ടില്ലതാനും.
54 comments:
“ശെടാ, ഇതു നല്ല കൂത്ത്. യേശുദാസ് എന്റപ്പന്റെ ശിഷ്യനായിരുന്നല്ലോ. എന്നുവച്ച് ഞാനും അതുപോലെ പാടണമെന്നു പറഞ്ഞാല് എങ്ങനെയിരിക്കും”
ഇതുവായിച്ചപ്പോഴേക്കും ചിരിപൊട്ടിപ്പോയി മഞ്ജിത്തേട്ടാ. വക്കാരി എഫക്ട് ഗംഭീരം!
ടൈറ്റില് അതിഗംഭീരം!!(സന്തോഷേട്ടാ ഈ സാധനം (!) രണ്ടെണ്ണം വരെ ആവാമല്ലോ ല്ലേ?)
അപ്പോള് വക്കാരി എന്റെ മാത്രമല്ല മറ്റുപലരുടേയും
ഉപബോധമനസ്സുകളെ കീഴടക്കിക്കളഞ്ഞൂന്ന് സാരം.
വക്കാരീ ഇനിയും ഒളിച്ചിരുന്നാല് ഏതെങ്കിലും ഒരു വിവേകാനന്ദന് വന്ന് 'ബൂലോഗം ഒരു ഭ്രാന്താലയ'മെന്നോ മറ്റോ പറഞ്ഞുകളയും കേട്ടോ.
അങ്ങനെയെങ്ങാന് സംഭവിച്ചാല് അതിന്റെ പൂര്ണ്ണ ഉത്തരവാദി വകാരിയായിരിക്കും.
ഈ കഥക്ക് കോപ്പുസ്വപ്നങ്ങള് എന്ന പേരിനെക്കാള് "വക്കാരിമാഹാത്മ്യം' എന്നല്ലെ manjith ചേരുക..അല്ലെങ്കില് വക്കാരിപുരാണം എന്നാകാം (മീശപുരാണം പോലെ)ഏതായാലും സ്വപ്നം കാണാത്ത manjith സ്വപ്നങ്ങളിലേക്ക് മടങ്ങിവന്നുവല്ലോ? ഇതുപോലെ മുല്ലപ്പൂവുമീയിടെ ഉറക്കത്തില് സ്വപ്നം കണ്ടുതുടങ്ങിയിരുന്നു. അതില്നിന്നും ഒരു നല്ല കഥയും അതുവഴി ഒത്തിരി കമന്റും അടിച്ചെടുത്തിരുന്നു..
കമന്റ് കിട്ടാനുള്ള പുതിയ തന്ത്രമായി ശിശുവിനും സ്വപ്നത്തെ ഉപയോഗിക്കണം (തമാശയാണെ, സുഹൃത്തെ..,അല്ലാതെ വഴക്കിനൊന്നും വരല്ലെ, ശിശുവല്ലെ. ഹി... ഹി..)
അത് നന്നായി.് മഞ്ജിത്തിന്റെ സുഹൃത്തിന്റെ പേരും വക്കാരിയുടെ പേരും ഒന്നാണല്ലോ
ചിരിക്ക് :) ഇങ്ങിനെയല്ലേ ഇമവെട്ടിക്കോണകം?
പൊട്ടിച്ചിരിക്ക് ഇങ്ങിനെയാണോ?:D
ബോധം കെട്ടൂന്നുള്ളതിന് എന്താണാവോ ഇമോട്ടിക്കോണകം?
അല്ലാ...ആരാ...ആരെപ്പറ്റിയാ?
മന്ജിത്തിപ്പോള് പഴയതുപോലെ ബ്ലോഗെഴുതുന്നില്ലല്ലോ എന്ന് ചോദിക്കണമെന്നോര്ത്തിരിക്കുകയായിരുന്നു, അത് ഇങ്ങിനെതന്നെയായല്ലോ ഭഗവാനേ :)
സ്വപ്നം കണ്ട് ആള്ക്കാര്ക്ക് പ്രാന്ത് പിടിച്ചു എന്നൊക്കെ കേട്ടിട്ടുണ്ട്. പക്ഷേ അമേരിക്കയിലിരുന്ന് കിടന്ന് ഒരാള് സ്വപ്നം കണ്ട് ജപ്പാനിലിരുന്ന് ഒരു പാവത്തിന് വട്ടാകുന്നതെങ്ങിനെ എന്നാലോചിച്ചിട്ട് ഒരു പിടുത്തവും കിട്ടുന്നില്ല.
എന്തായാലും സംഗതി സ്വപ്നമായതുകൊണ്ട് രക്ഷപെട്ടു. ആകെമൊത്തം ടോട്ടല് കുഴഞ്ഞ് മറിഞ്ഞാലും പ്രശ്നമില്ലല്ലോ...ല്ല്ലേ.
വല്ല്യമ്മായീ, സാക്ഷിയുടെ പേരും വക്കാരിയുടെ സുഹൃത്തിന്റെ പേരും ഒന്നായ നിന്നെയിഹ രണ്ടൊന്നു കണ്ടളവിലുണ്ടായരൊണ്ടിണ്ടിണ്ടിണ്ടി.... :)
" ഇമോട്ടിക്കോണകം" വക്കാരി ഇതാദ്യം ഓടിയില്ല. പിടികിട്ടിയപ്പോള് ചിരിച്ച് കണ്ണുനിറഞ്ഞു! ഒരു വക്കാരി വാക്കുകളുടെ ശേഖരമുണ്ടാക്കാന് തോന്നുന്നു. -സു-
ഹ...ഹ...സുനില്ജീ, എന്നാ പറയാനാ, എല്ലാം പോയില്ലേ :)
വക്കാരി ഇങ്ങനെ നിലാവത്ത് അഴിച്ചിട്ട കോഴിയായി നടന്നീട്ടല്ലേ അമേരിക്കകാരൊക്കെ ഇങ്ങനെ സ്വപ്നം കാണുന്നത്.
എന്നാലും മന്ജിത്തേട്ടന് ആ പാവാക്ക എങ്ങനെ ഇത്ര കരിച്ചു കണ്ടൂനാ!
വക്കൂ വക്കൂ വക്കാരീ..
ഇനിയെങ്കിലും പറഞ്ഞൂടേ നിങ്ങളാരാാണെന്ന്?
ഹ...ഹ...ഡാലീ, നിലാവ്, നടപ്പ്, സ്വപ്നം. വെറുതെയല്ല :)
ഇക്കാസേ ഭയങ്കര സംഭവമാ...ണെന്നാ ഓര്ത്തേ :)
(ഇത് കുസൃതി ബിരിയാണിയാശംസാപ്പോസ്റ്റില് ചെയ്തതുപോലെ മന്ജിത്തിന്റെ പോസ്റ്റില് ഇപ്പോള് ഞാനാണല്ലോ ബണ് ബൈ ബ്രെഡ് മറുപടി പറയുന്നത്-മന്ജിത്തേ, മാഫ്)
ആണോ വല്യമ്മായി? (വല്യമ്മായി ആണാണോന്നല്ല) എനിക്കറിയില്ലാരുന്നു. പ്രതിബിംബം പറഞ്ഞപോലെ വക്കാരി വക്കാരിയാണെന്നല്ലാതെ വക്കാരിയെപ്പറ്റി എനിക്കൊന്നുമറിയില്ല. ഇത്രയും കാലം ഇവിടൊക്കെ അലഞ്ഞുതിരിഞ്ഞിട്ടും ഞാന് കഥയൊന്നുമറിഞ്ഞില്ലെന്നു സാരം.
ഏതായാലും ഒരു ക്ലാരമ്മഫിക്കേഷന് നടത്തിക്കളയാം.
എന്റെ സുഹൃത്തിന്റെ പേര് ദീപു എന്നുതന്നെയാണ്. ദീപു ചെറുകാട്. എന്റെ സഹപാഠി.
ഇവനെങ്ങനെ സ്വപ്നത്തില് വന്നു എന്നു ഞാനുമാലോചിച്ചു. പിന്നെയോര്ത്തപ്പോള് അതു സ്വാഭാവികമാണെന്നുതോന്നി.
ഞങ്ങള് സഹപാഠികളില് ആദ്യം ഉദ്യോഗസ്ഥനായതു ദീപുവായിരുന്നു. പ്രീഡിഗ്രി പഠിച്ചിറങ്ങിയയുടന് അവന് കേന്ദ്രകേണ്മെന്റുദ്യോഗസ്ഥനായി. തപാല് വകുപ്പില്. അതുപക്ഷേ,അവന്റെ അച്ഛന് മരിച്ച ഒഴിവിലേക്കായിരുന്നു എന്നു മാത്രം.
കൂട്ടുകാരില് പലരും ജോലിക്കാര്യത്തില് ഭാഗ്യവാന് എന്നു പറയുമായിരുന്നെങ്കിലും ദീപു അതിലൊട്ടും സന്തോഷിച്ചിരുന്നില്ല. കൂടുതല് പഠിക്കാനായിരുന്നു അവനു താല്പര്യം. പക്ഷേ, ചെറുപ്രായത്തില് കുടുംബത്തിന്റെ അത്താണിയാകേണ്ടിവന്നില്ലേ.
ദീപുവിന്റെ ഈ ആഗ്രഹം അറിയാവുന്നതിനാലാവാം അവനെ ഞാന് ഫ്രീയായി ഐ ഐ റ്റിവരെ വിട്ടു പഠിപ്പിച്ചത്!
കാലമൊഴുകുന്നതനുസരിച്ച് പലകൂട്ടുകാരും വിസ്മൃതിയിലായെങ്കിലും ദീപുവിന്റെ വിവരങ്ങള് ഞാനിപ്പോഴും അന്വേഷിച്ചറിയാറുണ്ട്. എവിടെയായിരുന്നാലും. അതുകൊണ്ടാവാം വക്കാരീടെ ഫ്രണ്ടായി അവന് തന്നെ വന്നത്.
ശരിക്കും സ്വപ്നത്തില് വരേണ്ടിയിരുന്നത്, വക്കാരീടെ ജ്യേഷ്ഠന് ഉമേഷ്ജീയായിരുന്നു. :) :)
ഏതായാലും വക്കാരി വക്കാരിയാണെന്നു മാത്രം അറിഞ്ഞാല് മതി എനിക്ക്. അതില്ക്കൂടുതലൊന്നുമറിയേണ്ട. കൊമ്പന് മീശപൊലീസുകാരെ പരിചയപ്പെടുന്നപോയാലോ എന്ന പേടികൊണ്ടാണിത്. നല്ല ഒത്ത കൊമ്പന് മീശ കണ്ടു പൊലീസിന്റെടുത്ത് ഏതു സ്റ്റേഷനിലാ സാറേ എന്നു ചോദിച്ചുനോക്ക്. എലി കരയുന്ന സ്വരത്തില് മൂത്തകുന്നം എന്നു മറുപടികിട്ടും.
ആനവക്കാരി അങ്ങനെ വല്ല എലിവക്കാരിയുമായിപ്പോയാലോ?
അതുകൊണ്ട് വക്കാരി വക്കാരിയാണെന്നല്ലാതെ വക്കാരിയെപ്പറ്റി എനിക്ക വേറൊന്നും അറിയേണ്ട. വല്യമ്മായി പറഞ്ഞതു ഞാന് കേട്ടിട്ടില്ല!
“നല്ല ഒത്ത കൊമ്പന് മീശ കണ്ടു പൊലീസിന്റെടുത്ത് ഏതു സ്റ്റേഷനിലാ സാറേ എന്നു ചോദിച്ചുനോക്ക്. എലി കരയുന്ന സ്വരത്തില് മൂത്തകുന്നം എന്നു മറുപടികിട്ടും“
അയ്യോ അങ്ങിനെയൊരു സീന് ഏതോ ഒരു സിനിമയ്ക്കകത്തുണ്ടായിരുന്നല്ലോ. മറന്നുപോയി.
ചിരിച്ച് ചിരിച്ച്...
പക്ഷേ എന്റെ ശബ്ദസൌകുമാര്യം നിങ്ങളില് പലരും കേട്ടിട്ടുണ്ടാവും-ദാസേട്ടന്റെയൊക്കെ പോലെ വരും. ബേയ്സോ ബാസ്സോ ബാസുവോ കുറച്ച് കൂടുതലാണെന്ന് മാത്രം. നല്ല ടെറിബിള് വോയ്സല്ലിയോ.
എന്തായാലും ഇനി ഉറങ്ങാനുള്ള ഒരു ചാന്സും കളയില്ല. എപ്പോഴാ മന്ജിത്ത് കയറിവരുന്നതെന്നറിയില്ലല്ലോ. എങ്ങാനും മന്ജിത്ത് വരികയും ഞാന് ആ നേരം ഉണര്ന്നിരിക്കുകയും ചെയ്താല് പോയില്ലേ ചാന്സ്. രാവിലെ ഒമ്പതേകാലിനും ഒമ്പതരയ്ക്കും ഇടയ്ക്കും വൈകുന്നേരം ഏഴിനും ഏഴേകാലിനും ഇടയ്ക്കും മാത്രം വന്നേക്കല്ലേ. ഉറങ്ങിക്കൊണ്ട് സൈക്കിള് ചവിട്ടിയാല് ഇവിടെ പോലീസ് പിടിക്കും.
ഏ? മന്ജിത്ത് മാഷ് ഫ്രീ ആയി ഐ.ഐ.റ്റി വരെയൊക്കെ ആളോളെ പഠിപ്പിക്കുമായിരുന്നൊ? ശ്ശെടാ! ഇത് ഞാന് ഇച്ചിരെ നേരത്തെ അറിഞ്ഞിരുന്നുവെങ്കില് പ്രിഡിഗ്രിക്ക് തോറ്റപ്പം ആ ഐ.ഐ.റ്റി എന്റ്രന്സ് ഒന്ന് എഴുതമായിരുന്നു.
വെറുതെ ഞാന് ഐ.ഐ.റ്റിയില് ഒക്കെ പോയി അപ്പന്റെ പൈസ കളയണ്ടാന്ന് കരുതിയല്ലെ ഞാന് അതിനൊന്നും മുതിരാഞ്ഞെ.. :)
ശ്ശെടാ! ഇനി ഈ പോയ ബുദ്ധി കുമാര്ജീന്റെ ആനബ്ലോഗ് പിടിച്ചാലും കിട്ടുമൊ?
ഹി ഹി എനിക്കു വയ്യ.:) ഒരു മാതിരി എല്ലാവരേയും ഞാനിപ്പോള് സ്വപ്നത്തില് കണ്ടിട്ടുണ്ട്. കാരണം ഉറക്കം ഹോബിയായ ആള്ക്ക് സ്വപ്നത്തിനാണോ പഞ്ഞം? വക്കാരിയേയും കണ്ടു അങ്ങനെ ഒരു ദിവസം. പക്ഷേ സംഭവം ഓര്ക്കുന്നില്ല മുഴുവനും. :( ഇനി ഉടനെ തന്നെ എഴുതി വയ്ക്കുന്നതായിരിക്കും. എപ്പോഴാ പ്രയോജനപ്പെടുക എന്നറിയില്ലല്ലൊ. അപ്പോള് എല്ലാവരും ജാഗ്രതൈ!
ഹാഹാ എന്നാലും വക്കാരിയെ കണ്ട സ്വപ്നത്തിനു കോപ്പു സ്വപ്നമെന്നു പേര് കൊടുക്കരുതായിരുന്നു.
വക്കാരി പ്രഹേളിക എന്നൊരു പ്രബന്ധം അടുത്തു തന്നെ ബ്ലോഗില് തീസീസ് ലഭിക്കുവാനായി ആരെങ്കിലും സമര്പ്പിക്കുന്നതായിരിക്കും.
വക്കാരി ഉമേഷ്ജിയുടെ എത്രാമത്തെ സഹോദരന്?
വക്കാരി കറുത്തിട്ടോ വെളുത്തിട്ടോ?
സീമയുടെ കൂടെ അഭിനയിച്ചതു ഒറിജിനല് വക്കാരി തന്നെയോ?
എന്നി സമസ്യകള്ക്കെല്ലാം ഉത്തരം ലഭിക്കുമെന്ന് നമുക്ക് പ്രത്യാശിക്കാം.
സമ്മതിച്ചു തന്നിരിക്കുന്നു മന്ജിത്തേ. പണ്ടു പത്രത്തിലായിരുന്നപ്പോള് സീക്രട്ട് ഇന്വെസ്റ്റിഗേഷന് ആയിരുന്നു പണി, അല്ലേ?
ഇതിനെയാണോ വക്കാരി പണ്ടു് “രസതന്ത്രത്തിലെ ഇന്നസന്റിനെപ്പോലെ...” എന്നു പറഞ്ഞതു്?
ഹ ഹ ഹ.. അതു കൊള്ളാം ;)
ഇഞ്ചീടെ മൂന്നാമത്തെ സ്വിസ് ബാങ്ക് അക്കൌണ്ടിന്ല് നിന്നുള്ള പൈസ ഉമേഷ്ജീടെ ഏത് അക്കൊണ്ടിലേക്കാണ് മാറ്റണ്ടത്? ഞാന് ഐപ്പി വെച്ച് ഹാക്ക് ചെയ്തതാ.. ;)
എനിക്ക് ഒരു സഹപാഠിയുണ്ടായിരുന്നു. ജീവിതത്തില് ഇന്നേവരെ സ്വപ്നം കണ്ടിട്ടില്ല എന്നാണ് മൂപ്പര് ഇപ്പോഴും അവകാശപ്പെടുന്നത്. അത് മഹാ നഷ്ടമാണെന്നും സ്വപ്നത്തില്, ഭാഗ്യമുണ്ടെങ്കില്, നമുക്ക് എന്തുമാവാമെന്നുമൊക്കെപ്പറഞ്ഞു നോക്കിയെങ്കിലും മൂപ്പര് വീണില്ല.
ഒന്നു രണ്ട് ഉദാഹരണങ്ങള് കൊടുത്തപ്പോള് അദ്ദേഹത്തിനും സ്വപ്നം കാണണം എന്ന കലശലായ ആശയുണ്ടായി എന്ന് പറഞ്ഞു നിറുത്തിയാല് എല്ലാം പറഞ്ഞ തൃപ്തിയുണ്ടാവില്ല, എന്നാലും നിറുത്തുന്നു.
പിന്നെ, ദേവന് ഏതോ പോസ്റ്റില് പറഞ്ഞതുപോലെ സസ്തനികളല്ലാത്ത പാമ്പ് തുടങ്ങിയവയെ കണ്ടാല് കാണുന്നതു തന്നെ മെനക്കേട് എന്ന് കരുതേണ്ടി വരും.
ഓ. ടോ.(ചിഹ്നനങ്ങള് ശ്രദ്ധിക്കുമല്ലോ):
പേരൊക്കെ ഞാന് മറന്നു പോയി.
ഞാന് ഇതു വരെ കരുതിയിരുന്നത്, നമുക്ക് ഒരിക്കലെങ്കിലും അറിയാവുന്ന കാര്യങ്ങള് മാത്രമേ പിന്നീട് ‘മറന്നുപോവാന്’ പറ്റൂ എന്നാണ്. ബ്ലോഗുകളും കമന്റുകളും വായിക്കുന്നതുകൊണ്ട് എങ്ങനെയുള്ള എത്രമാത്രം അബദ്ധ ധാരണകളാണ് മാറിക്കിട്ടുന്നത്! ബ്ലോഗിനു സ്തുതി!
:)
കണ്ണു കുത്തിപ്പൊട്ടിച്ചതും പോരാഞ്ഞിട്ട് ആ പെണ്ണിനെ പിടിച്ച് ഭാര്യയും ആക്കിയോ? എന്തു പാപം ചെയ്തു അയാള് ഇത്രയ്ക്കുമാത്രമൊക്കെ അനുഭവിക്കാന്? ;)
ഓഹോ എല്ജിയുടെ ഇനിഷ്യലായിരുന്നോ അതു ? ഈ ഉമേഷ്ജിയ്ക്കു റോ യിലോ ഇന്റലിജന്സിലോ മറ്റോ ആണോ ജോലി ? അത്രയും ഉമേഷ്ജി കണ്ടുപിടിച്ച സ്ഥിതിക്കിനി ബാക്കി ഞാനൊന്നു ശ്രമിച്ചു നോക്കട്ടെ. (ദൈവമേ, പീപ്പിങ് റ്റോമിന്റെ സ്ത്രീലിംഗം എന്താണോ എന്തോ ?)
പള്ളിയെന്നും നോയമ്പെന്നുമൊക്കെ ചുമ്മാ നാഴികയ്ക്കു നാല്പ്പതു വട്ടം പറയുന്നതു കൊണ്ടു കക്ഷി ക്രിസ്ത്യാനി തന്നെയാവണം. അപ്പോ ലിജി, ലീന, ലെന, ലവ്ലി, ലിയ, ലിടിയ, ലോറ, ലവീറ്റ, ലിസ്സി, ലിനി, ലീമ ഇത്രയൊക്കെയാണു നാട്ടിലെ പഴയ പേരുകള്. വയസ്സമ്പത്താറു കഴിഞ സ്ഥിതിക്കിതിലും മോഡേണ് പേരൊന്നുമവാന് വഴിയില്ല. ആകപ്പാടെ റ്റോട്ടലി മൊത്തം ഭക്തിമാര്ഗ്ഗത്തിലുള്ള കുടുമ്പമായതു കൊണ്ടും ബിബ്ലിക്കല് നെയിം എന്നതൊരു ഫാഷ്യനായതു കൊണ്ടും ബൈബിളിലുള്ള ഈ നാലു പേരുകള് കൂടി ( Lael,Leah,Lois,Lydia )
പരിഗണിച്ചേക്കാം.
പിന്നെ കേട്ടിടത്തോളം അപ്പനാളൊരു രണ്ടുമൂന്നര അപ്പനാരുന്നതു കാരണം, ഷേക്സ്പിയറ് പേരുകളിലൊന്നു മകള്ക്കിടാനും സാധ്യത ഉണ്ടു. അതു കൊണ്ടിതു മൂന്നും കൂടി പരിഗണിക്കാം, (Lavinia from Titus Andronicus,
Lucetta from Two Gentlemen of Verona, Luciana from Comedy of Errors ), സാധ്യതകള് വിദൂരമാണെങ്കിലും.
ജി പിന്നെ, ജോര്ജോ ഗബ്രിയേലോ, ഗീവര്ഗീസോ അല്ലാതെ വേറെന്താവാന് , അന്തക്കാലത്ത് ? ഗ്ഗോണ്സാല്വസ്സാവാനും മതി (ഒരു അധോലോക മണം).
അപ്പോ ഈ പേരുകളുടെ പെറ്മ്യൂട്ടേഷന് കോംബിനേഷനുകള് കണ്ടുപിടിച്ച് ഒന്നു ഗൂഗ്ലി നോക്കനൊരു പ്രോഗ്രാമെഴുതിയാല് പിന്നെ, എല്ജിയും വക്കാരിയെ പോലെ
‘ ഒളിച്ചിരിയ്ക്കാന് വള്ളിക്കുടിലൊന്നൊരുക്കി വച്ചില്ലേ...
ഒരുക്കി വച്ച വള്ളിക്കുടില് പൊളിഞു പോയില്ലേ... ഇനിയെവിടെയൊളിക്കും ഞാന്’
പാമ്പുകള്ക്കു മാളമുണ്ട്, പറവകള്ക്കാകാശമുണ്ട്, ഒളിച്ചിരിക്കാനെനിക്കു മാത്രം ബ്ലോഗിലിടമില്ല് ‘ എന്നൊക്കെ പാടി പാടി ഈ കടാപ്പൊറത്തൂടെ നടന്നോളും
ഇഞ്ചിപെണ്ണേ, എന്നെ ചുമ്മാ അങടു കൊന്നു കളയാന് തോന്നണുണ്ടോ ? ഉമേഷിനോടു പറഞ പോലെ ‘ഐ ഹേറ്റ് യൂ കുട്ട്യേടത്തി’ എന്നു പറയാന് ? ഹി ഹി... ഐ ലവ് യൂ ഇഞ്ചിപ്പെണ്ണേ. ചുമ്മാ തന്നെ ഇങ്ങനെ ചൊറിഞ്ഞോണ്ടിരിക്കാനൊരു രസല്ലേടോ ? ഉച്ചക്കെന്നാരുന്നു ഡാര്ലിങ് കൂട്ടാന് ? കമന്റടി നിറുത്തി എഴുന്നേറ്റു പോയി ചേട്ടായി വരുമ്പോളേയ്ക്കും കഴിയ്ക്കാന് വല്ല ഇലയടയോ കോഴുക്കട്ടയോ മറ്റോ ഉണ്ടാക്കി വയ്ക്കൂട്ടോ.
ബിന്ദുച്ചേച്ചി ബ്ലോഗ് ചെയ്യുന്നു, റീനി ബ്ലോഗ് ചെയ്യുന്നു, ദുര്ഗ്ഗ, മുല്ലപ്പൂ, ജ്യോതിടീച്ചര് തുടങ്ങി പലരും ചെയ്യുന്നു. അവര്ക്കാര്ക്കും പ്രൈവസിയുടെ പ്രശ്നമില്ല. ഇഞ്ചി ആവശ്യമില്ലാതെ ആള്ക്കാരുടെ ശ്രദ്ധ സ്വന്തം കാര്യത്തിലേക്കു തിരിച്ചിട്ടാണ് ആള്ക്കാര് അന്വേഷിച്ച് തുടങ്ങിയത്.... എന്നാണ് എനിക്ക് തോന്നുന്നത്... :)
qw_er_ty
ഇത് ഓണാണോ ഓഫാണോ എന്നെനിക്കറിയില്ല, പക്ഷേ സ്വപ്നം കാണാനെനിക്കിഷ്ടമല്ല, കാരണം ഞാന് കാണുന്നതെല്ലാം ചീത്തസ്വപ്നങ്ങളായിരിക്കും. വളരെ എളുപ്പമാണ് ഈ സ്വപ്നങ്ങള് കാണാന്. ഉറക്കം വരാതെ ഞാന് കിടക്കയില് വീണ് തിരിഞ്ഞും മറിഞ്ഞും അവസാനം ഉറങ്ങിയാല് തീര്ച്ച, അന്നത്തെ രാത്രി മുഴുവന് ദുഃസ്വപ്നം തന്നെ. അതുകൊണ്ട് രാത്രികള് ഞാന് ഉറക്കം വന്നു തൂങ്ങുംവരെ ഉണര്ന്നിരിക്കുന്നു. കിടക്കയില് ശരീരം മുഴുവനായി തൊടും മുമ്പ് ഉറങ്ങുന്നു. സ്വപ്നരഹിതങ്ങളായ രാത്രികളില് ഹ്രസ്വനിദ്രകളുടെ കൂട്ടുകാരനാകുന്നു. പുലരുമ്പോള് എന്റെ കണ്ണിനുതാഴെ കറുത്തവലയങ്ങളും ഭാണ്ഡക്കെട്ടുകളും അവരെനിക്കു സമ്മാനം തരുന്നു.
(മുകളിലത്തെ കമന്റ് അതെഴുതിത്തീര്ന്നപ്പോഴേക്കും ഓഫായി മാറി എന്നു മനസ്സിലായി)
‘പിന്മൊഴികളി’ല് ഇഞ്ചിയുടെയും കരിം മാഷിന്റെയും സംവാദം വായിച്ചു കഴിഞ്ഞതേയുള്ളു. ആ മാനസികാവസ്ഥയിലായതുകൊണ്ടാവണം ഇഞ്ചി (ഈ പേരുവിളിക്കാന് എനിക്കിപ്പോഴും ഒരിത്) പൊട്ടിത്തെറിച്ചതെന്നു ഞാന് ഊഹിക്കുന്നു. ഏതായാലും ബാക്കി നിങ്ങള് ഈമെയിലില് തീര്ത്താല് പോരേ?
(ഞാന് സ്ഥാനം തെറ്റി പറഞ്ഞതാണെങ്കില് ‘പകുതി ഹൃത്തിനാല് വെറുക്കുമ്പോള് നിങ്ങള് പകുതി ഹൃത്തിനാല് പൊറുത്തുകൊള്ളുക’)
ഭൂഖണ്ഡങ്ങള് തമ്മിലുള്ള ദൂരമാണോ ഉമേഷിന്റെ ഈ ധൈര്യത്തിനടിസ്ഥാനം? :) :) ബ്ലോ.കാ.അമ്മേ നിന്തിരുവടി അടിയനെയും കാത്തോളണമേ...
സ്വപ്നം കാണുന്നവര്ക്കും, കാണാന് ശ്രമിക്കുന്നവര്ക്കും സമ്പൂര് ണ്ണ പോഷകം നല്കുന്നു, ഡാബര് ച്യവനപ്രാശം.
തീ പിടിച്ചതായിരുന്നെങ്കില് വെള്ളമടിച്ച് കെടുത്താമായിരുന്നു, അല്ലാത്ത സ്ഥലങ്ങളില് ചളി വിറ്റ് തന്നെ അടിക്കണം എന്ന് പറഞ്ഞാല്...! പറഞ്ഞാല്???
ഞാന് കാര്യമായിട്ട് എഴുതിയതാണ്. അത് കാണാനേ ഇല്ലല്ലോ.
അതു കാണില്ല സൂ. അതുപോലുള്ള ഒന്നും ഇവിടെ കാണില്ല. മുന് കമന്റില് നിന്നും താങ്കളെപ്പറ്റിയുള്ള പരാമര്ശവും ഒഴിവാക്കിയിട്ടുണ്ട്. ഇവിടെ തല്ക്കാലം ഇങ്ങനെയൊക്കെയാ.
qw_er_ty
ഹാഹാ ഈ മന്ജിത്തിന്റെ ഒരു കാര്യം ;)
ഇഞ്ചി പറഞ്ഞ സുകന്യയുടെ കഥ ഒരു സിനിമയായി വന്നിട്ടുണ്ടെന്നു തോന്നുന്നു. ആദിത്യോ മുനിയുടെ ആവശ്യം ഭാര്യയായി കഴിയുക എന്നായിരുന്നില്ലെന്നു തോന്നുന്നു. ദാസ്യം ആണ് ആവശ്യപ്പെട്ടിരുന്നതു്, അത് പിന്നെ ഭാര്യയായതാവാം. ഈ സുകന്യയേയും (അവളൊരു രാജകുമാരി ആയിരുന്നു) ഇന്ദ്രന് കാമിച്ചിരുന്നു എന്നും കഥയിലുണ്ടു്, മുനിക്കു യൌവനം വീണ്ടു കൊടുത്തതു ഇന്ദ്രന് സുകന്യയുടെ പാതിവ്രത്യത്തില് സംപ്രീതനായാണെന്നും കഥ പറയുന്നു.
വക്കാരിയാണു താരം, എല്ലാവര്ക്കും അയാളെക്കുറിച്ചു ചിലതൊക്കെ അറിയാം, എന്നാല് ആര്ക്കും ഒന്നും പൂര്ണ്ണമായി അറിയില്ല താനും :)
qw_er_ty
ശ്ശൊ! കുട്ട്യേട്ടത്തി സേം പിച്ച്. ഞാന് ഇന്ന് വൈകുന്നേരം ഇലയട ഉണ്ടാക്കണം എന്ന് കരുതി മാവു കൊഴക്കാന് പോവായിരുന്നു. ദേഷ്യം ഇച്ചിരെ ഉള്ളതുകൊണ്ട് ഒരാളെ മനസ്സില് ഓര്ത്താല് നന്നായി മാവു കുഴക്കാനും പറ്റും എന്ന് തോന്നി :)
ഇവിടെ ഇഷ്ടം പോലെ ഇലയുണ്ട്, ഞാന് വേണോങ്കി സത്യായിട്ടും അയച്ച് തരാം. ഒരു യു.പി.എസിന്റെ കവറില് ഇട്ടാല് രണ്ടാം ദിവസം കിട്ടും. വാടത്തും ഇല്ല.
പിന്നെ ഇല ഇല്ലെങ്കില് ഈ അലുമിനിയം ഫോയിലില് വെച്ചും അട ഉണ്ടാക്കാം.
അനോണി മാഷേ,
അതു ഞാന് മാറ്റിയിട്ടുണ്ട്. ക്ഷമിക്കുക. അത്തരത്തൊലൊന്നു തല്ക്കാലം ഇവിടെ വേണ്ട.
qw_er_ty
വയസായാല് പഠിക്കാന് മേലെന്നുണ്ടോ?
ഈ ഒരു ചോദ്യത്ത്യല് ഞാന് പിടിച്ചു കയറട്ടെ കാര്ന്നോന്മാരെ, ഏട്ടത്തിമാരെ. മഞ്ജിത്തേ, ഇത് ഒരു ഓഫ് ആയിരിക്കും.
ചെറുപ്പക്കാലം മുതല് ചെണ്ട പഠിക്കണം എന്നത് എന്റെ ഒരു ആശയായിരുന്നു, മൃദംഗവും. രണ്ടിനും ഒരുമിച്ചുള്ള ബഡ്ജറ്റ് പാസ്സായില്ല.
ആയതിനാല് കുറച്ച് നാള് ഞാന് മൃദംഗം പഠിച്ച് ബോറടിച്ചപ്പോള്, അതു നിര്ത്തി. പിന്നെ ചെണ്ട പഠിക്കാന് തുടങ്ങി. അങ്ങനെ അമ്മി കല്ലുമ്മേ, പുളിമുട്ടികൊണ്ട്, ത ത്തി തും ണ, കൊട്ടി തുടങ്ങിയപ്പോഴേക്കും, ഇറാന്, ഇറാക്ക് യുദ്ധം വന്നു, അച്ഛന് നാട്ടില് വന്നു. എന്റെ ചെണ്ട പടുത്തം നിന്നു പോയി.
ഇപ്പോള് വീണ്ടും ആ ചെണ്ട കമ്പം കയറി. നാട്ടില് പോയപ്പോള് ചെര്പ്പൂളശ്ശേരി കുട്ടന് മാരാരുടെ കയ്യില് നിന്നും 6500 രൂപ മുടക്കി ഒരു ചെണ്ഡ വാങ്ങി. 12 കിലോ അധിക ഭാരത്തിന്നു വേറേയും ചാര്ജ് നല്കി ഞാന് അവനെ ഇങ്ങു ദുബായിലേക്ക് കൊണ്ട് വന്നു.
എന്നും വൈകുന്നേരം തായമ്പകയും, പാണ്ടിയും വച്ച് അതിന്നൊപ്പം ഞാന് പതുക്കെ പെരുക്കും.
എന്തിനുനും ഒരു ഗുരുവിനെ കിട്ടി. ക്രിഷ്ണ പക്ഷം ഈ 22നു അവസാനിച്ചാല് എന്റെ ചെണ്ട ക്ലാസ് വീണ്ടും തുടങ്ങും.
അപ്പോള് ആശിര്വദിക്കുക.
ഈ പറഞ്ഞത് ഈ ബ്ലോഗില് പറയാന് കാരണം, വയസായാല് പഠിക്കാന് മേലെന്നുണ്ടോ? ഈ ഒരൊറ്റ ചോദ്യം മാത്രം.
ബോണ്ജ്യേ
ഇല അയച്ചു തരാം എന്നു പറഞ്ഞതു കൊന്ട് ചോദിക്കുവാ
എനിക്കൊരു തുളസിത്തൈയും ഒരു കറിവേപ്പിന്റെ തയ്യും വേണമായിരുന്നു.
കളിയല്ലാ, കാര്യമായിട്ടാണേ... നട്ടു വളര്ത്താനാ.
ആരെങ്കിലും അമേരിക്കാ നിവാസികള്ക്കുന്ടോ?
പോസ്റ്റേജ് ഞാന് കൊടുത്തുകൊള്ളാം ..
അയ്യോ ഏവൂര്ജി നോ പ്രോബ്ലമൊ. അധികം പോസ്റ്റേജൊന്നും ആവില്ല. അതൊന്നും വറി ചെയ്യണ്ട. ഞാന് അയച്ചു തരാം. എന്റെ കയ്യില് കൃഷ്ണ തുളസി ഇഷ്ടം പോലെ കാടു പിടിച്ചുണ്ട്. കറിവേപ്പിലയുണ്ട് പക്ഷെ തൈയ്യില്ല. പക്ഷെ എത്ര തൈ വേണമെങ്കിലും പറിച്ചോണ്ട് പൊക്കോളാന് പറയണ ഇഷ്ടം പോലെ നല്ല ആന്റിമാരുണ്ട്. അതോണ്ട് അതും ഇഷ്ടം പോലെ കിട്ടും. പനികൂര്ക്ക വേണൊ? അതും ഇഷ്ടം മാതിരിയുണ്ട് . പിള്ളെര്ക്കൊക്കെ ഒത്തിരി നല്ലതാ. നോ പ്രോബ്ലം. എനിക്ക് ഭയങ്കര സന്തോഷാ അങ്ങിനെ ആരെങ്കിലും ചെടി വളര്ത്താന്ന് പറഞ്ഞാ. കുട്ട്യേട്ടാത്തിയെ പണ്ട് സ്പിരിറ്റ് കേറ്റാന് നോക്കിട്ട് കുട്ട്യേട്ടത്തീന്റെ ബോസ് പാര വെച്ചു..:-)
വേറെ എന്തൊക്കെ വേണം? അമരപയറിന്റെ വിത്തുണ്ട്. വെണ്ടക്കേടെ വിത്തുണ്ട്. അടുത്ത സമ്മര് ആവുമ്പൊ നെറയെ ഉണ്ടാക്കല്ലൊ.
പെരിങ്ങ്സേ.. സുകന്യയില് ഭ്രമിച്ചത് അശ്വനിദേവകള് അല്ലേ? അങ്ങനെ കേട്ടിട്ടുള്ളതു പോലെ. മൂന്നുപേരും മുങ്ങിക്കുളിച്ചു കയറിയപ്പോള് ഒരേ പോലെ ഇരുന്നു എന്നും മറ്റും. :)
എന്റെ കയ്യില് കൃഷ്ണ തുളസി ഇഷ്ടം പോലെ കാടു പിടിച്ചുണ്ട്.
അതൊരൊന്നൊന്നര കയ്യാണല്ലോ ;)
ഏവൂരാനെ, എന്റെ വീട്ടില് കരിയാപ്പും, മക്കളും കൊച്ചുമക്കളുമായി ഒരുപട്ടാളം തന്നെയുണ്ട്. അമ്മക്കരിവേപ്പിന്റെ തറവാട് നിങ്ങടെ സ്ഥലം തന്നെ. അയച്ചുതരുന്നതില് സന്തോഷമേയുള്ളു.
വീട്ടിനുള്ളില് വളരുന്ന വാഴയുടെ രണ്ടാംതലമുറയുടെ കുല കുറച്ചുമാസങ്ങള് മുമ്പ് വെട്ടി.
ബ്ലോഗില് ഈമെയില് അഡ്രസ് ഉണ്ട്`.
ബോണ്ജീ, നന്ദി.
റീനി -- എവിടെയാണോ സ്ഥലം? ഇവിടെ പറയാന് വിഷമം ഉണ്ടെങ്കില് എഴുതിയാലും മതി - evuraan തനിമലയാളം ഡോട്ട് ഓര്ഗ്ഗ്
രണ്ടും സംഘടിപ്പിച്ച് തരാന് ഒരു പക്ഷെ ബോണ്ജിക്ക് കഴിഞ്ഞേക്കും, അല്ലേ?
അതേയ്, ഞങ്ങള് കിഴക്കന് തീരങ്ങളില് താമസിക്കുന്നവര്ക്ക് ശൈത്യം തുടങ്ങുകയായി -- കറിവേപ്പും തുളസിയും വീട്ടിനകത്തു തന്നെ ഒരു വലിയ ചട്ടിയില് വെയ്ക്കാനാണു ഉദ്ദേശ്യം.
ഇവിടങ്ങനെ ചട്ടിയില് കൃഷി ചെയ്ത് വല്ല്യ പരിചയമൊന്നുമില്ല. ഹോം ഡിപ്പോയില് ചെന്ന് ചട്ടിയും മണ്ണും വാങ്ങാമെന്ന് കരുതുന്നു.
ഈ കിഴക്കന് നാട്ടുകാര്ക്ക ആയതിലേക്ക് സ്പെഷ്യല് ഹൌറ്റു ഗ്രോ തുളസി/കറിവേപ്പ് ഉണ്ടെങ്കില് അതും കൂടെ അറിയാവുന്നവര് എഴുതിയിട്ടാല് -- എങ്ങനെയുള്ള് മണ്ണുവാങ്ങണം എന്നൊക്കെ -- ഉപകാരപ്രദമായേനെ...
അതൊക്കെ ഒന്ന് കിളിര്ത്തിട്ടു വേണം വല്ലപ്പോഴും രണ്ടു തുളസിയിലകള് ചവച്ചു തിന്നാന്...
അല്ലാ, ഇഞ്ചിത്തൈ ഇല്ലേ സ്റ്റോക്കിലാര്ക്കും? തമാശയാണേ.. :^)
മന്ജിത്തിന്റെ സ്വപ്നത്തില് കയറി ഹോം ഗാര്ഡനിംഗ് നടത്തിയതിന് സദയം ക്ഷമിക്കുമല്ലോ..?
റീനി,
ഇതിപ്പഴാ കണ്ടത്:
ബ്ലോഗില് ഈമെയില് അഡ്രസ് ഉണ്ട്`.
ശ്ശെ..! :^)
ശരിക്കും സ്വപ്നത്തില് വരേണ്ടിയിരുന്നത്, വക്കാരീടെ ജ്യേഷ്ഠന് ഉമേഷ്ജീയായിരുന്നു. :) :)
മന്ജിത്തേ, ഈ അടുത്ത കാലത്തിത്രയും ചിരിച്ചിട്ടില്ല.
ആനപ്പുറത്തൂന്ന് (ച്ഛേ, വക്കാരിപ്പുറത്തൂന്ന്) മന്ജിത്തിന്റെ മുറ്റത്ത് വക്കാരിയെ പാര്ക്ക് ചെയ്തിറങ്ങിവരുന്ന സീന്.
ഈ വക്കാരിക്കിയെത്തേടി (പുതിയ സിനിമ), ഇത്രയും ആള്ക്കാര് ഉണ്ടെന്നു മനസ്സിലായ സ്ഥിതിക്ക്, ഇനി റ്റിക്കറ്റെടുത്ത് ജപ്പാനില്പ്പോയി വക്കാരിയുടെ ഒരു പടവും പിടിച്ചിട്ട് , കോപ്പിയൊന്നിനു $100 വച്ചു ഒരു കച്ചവടത്തിനുള്ള വകുപ്പ് കാണുന്നു
ഏവൂരാന്, കിഴക്കെന് തീരങ്ങളില് കരിവേപ്പ് നന്നായി വളരും. വീടിനുള്ളില് തുളസി അത്ര ആവേശത്തോടെ വളരുന്നത് കണ്ടിട്ടില്ല. ഹോംഡിപ്പോയുടെ മണ്ണൂം ചട്ടിയും മതി. കൃമിയും കീടങ്ങളും പിടിക്കാതെ നോക്കണം, അധികം വെള്ളമൊഴിച്ച് കൊല്ലരുത്.
സോറി മഞ്ജിത്, ഇതൊരു ഹൗസ് ആന്ഡ് ഗാര്ഡന് ഇഷ്യുവാക്കിമാറ്റിയതില്.
ആ വ്യാപാര സാധ്യതയും അസ്ഥാനത്താണെന്നു തോന്നണു നളാ.
എന്നും വായിക്കുന്ന പുസ്തകങ്ങളില് ചിലര് - ഉമേഷ്ജീ ശബ്ദതാരാവലിയില്, പെരിങ്ങോടന് മഹാഭാരതത്തില്, ഇഞ്ചി തട്ടുമ്പുറത്തുനിന്നെടുത്ത വനിതകളില്, പാപ്പാന് മാതംഗലീലയില്, സാക്ഷാല് വക്കാരി സ്വയമെഴുതിയ ജ്യോതിഷം: ചില പഠന സാധ്യതകള് എന്ന തടിയന് ഗ്രന്ഥത്തില് - ബുക്ക്മാര്ക്കായി വക്കാരിയുടെ തുമ്പൈക്കൈ ഉപയോഗിച്ചു തുടങ്ങിയിരിക്കാനാണു സാധ്യത.
ഏവൂരാന്, റീനീ,
കൂട്ടുകൃഷിക്കു കുഴപ്പമില്ല. കറിവേപ്പില, കാന്താരി, വെള്ളരിക്ക, വീട്ടിനുള്ളില് വളരുന്ന വാഴക്കുലയുടെ ഒത്ത പടല എന്നിവയെല്ലാം ഈ “ബോസ്” സന്തോഷത്തോടെ സ്വീകരിക്കുമെന്ന കാര്യം അറിയിച്ചുകൊള്ളട്ടെ. പാട്ടം തരണമെന്നു സാരം :)
ഉണ്ട് ഉണ്ട് ഏവൂര്ജി അതൊക്കെയുമുണ്ട്
മഞ്ഞളുണ്ട്, ഇഞ്ചിയുണ്ട്, മാങ്ങാഇഞ്ചിയുണ്ട് :-)
വേണൊ?
റീനിക്കുട്ട്യേ, ചെടിച്ചട്ടിയില് വാഴ കുലക്കുമോ? അടിപൊളി. കുറേ പേരോട് പറയണല്ലൊ ന്നാ.
മുരിങ്ങയുണ്ടോ അപ്പൊ ചെടിച്ചട്ടിയില് ? ഏത് വാഴയാ?
അഹ്..ഏവൂര്ജിക്ക് റൂഫില് സണ് വിണ്ടോ ഉണ്ടല്ലെ? അതിന്റെ താഴെ തഴച്ചു വളരുന്ന വേപ്പിലക്കൂട്ടങ്ങളെ ന്യൂയോര്ക്കിലെ വീടുകളില് കണ്ടിട്ടുണ്ട്...
വലിയ ഒരു പ്ലാസ്റ്റിക്ക് ചെടിച്ചട്ടി മേടിക്കുക. പ്ലാസ്റ്റിക്ക് കാരണം വെയിലു വരുമ്പൊ പുറത്തേക്ക് കൊണ്ട് പോവാനും മറ്റും എളുപ്പം. മണ് ചട്ടിയാണ് നല്ലത്,പക്ഷെ മണ് ചട്ടിക്ക് നല്ല ഭാരം വരും. എന്നിട്ട് നല്ല ടോപ്പ് സോയിലും ചാണകപ്പൊടിയും മേടിക്കുക. 50:50 രണ്ടും കൂടി മിക്സാ. ഒരു 1/2 ഇഞ്ച് കനത്തില് ചട്ടിയുടെ അടിയില് ചരലോ മറ്റോ നിരത്തുക വെള്ളം കെട്ടി നില്ക്കാണ്ട്. മണ്ണിടാ..എന്നിട്ട് ചെടിയണ്ടട് നടാ. വെള്ളം നല്ലോണം ഒഴിച്ചു കൊടുക്കാ. പ്ലാസിറ്റ്ക് ആവുമ്പൊ വേഗം വേഗം ഉണങ്ങും. അതൊന്ന് ആദ്യൂകെ ശ്രദ്ധിക്കണെ..വിന്ററില് അധികം വെള്ളം വേണ്ടാ. എന്നിട്ട് സമ്മര് ആവുമ്പൊ വെളിയില് കൊണ്ട് പോയി ആശാട്ടിയെ കുട്ടപ്പിയാക്കാ.പിന്നെ ഒരപേക്ഷ വേപ്പിലക്കൊന്നും കെമിക്കല് അടിക്കല്ലേ പ്ലീസ്. മിരാക്കിള് ഗ്രോന്ന് പറയണ ഒരു കൊടിയ വിഷം അതിന്റെ പത്ത് മീറ്റര് ചുറ്റളവില് പോലും വെക്കല്ലെ പ്ലീസ്. ബ്ലഡ് മീല് എന്നൊരു ഓര്ഗാനിക്ക് നൈട്രജന് കിട്ടും. അത് ഇച്ചിരെശ്ശെ ഇട്ട് കൊടുക്കാ.ഇതൊക്കെ വാള് മാര്ട്ടീന്ന് മേടിച്ചാലും മതി. ഹോം ഡിപ്പോയില് ഇച്ചിരെ വില കൂടുതലാ. വിന്ററില് ഗാര്ഡന് സാധനങ്ങള്ക്കൊക്കെ വില കുറയും. പിന്നെ വെസ്റ്റ് ഒരു ഐഡിയ എന്താണെന്ന് വെച്ചാ റോളിങ്ങ് വേസ്റ്റ് ബാസ്ക്കറ്റില്ലെ, അതാവുമ്പൊ ഉരുട്ടികൊണ്ടാവാന് ഒക്കെ എളുപ്പാ,അതില് താഴെ ഒരു അഞ്ചാറ് തുളകള് ഉണ്ടാക്കിയാ ഞാന് പറയണു ബെസ്റ്റ് ചെടിച്ചെട്ടി ആയി. ഈസി ആയി മൂവ് ചെയ്യാം. പക്ഷെ കുറേ അധികം മണ്ണ് വേണ്ടി വരും. ഒരു നാല് ചാക്ക് മണ്ണെങ്കിലും. പക്ഷെ എന്നാലെന്താ ചെടി ബഹുത് കുശ് ഹോഗാ.ഇത്രേം മണ്ണില്ലെ.സുഖായിട്ട് ജീവിത കാലമൊ മൊത്തം അത് വളരും...എന്നിട്ട് കുറേ വേപ്പിലയാവുമ്പൊ വേപ്പിലക്കെട്ടി ഉണ്ടാക്കി അയച്ചു തരാ...:-)
സര്വശ്രീ കുറുമാന്,
താങ്കള് ആറായിരത്തഞ്ഞൂറു രൂപയ്ക്കു ചെണ്ടവാങ്ങിയെന്നോ? അതും ആര്ക്കുവേണമെങ്കിലും എപ്പോ വെണമെങ്കിലും ഫ്രീയായിട്ടടിക്കാവുന്ന ആദിത്യന്, ദില്ബാസുരന് എന്നിങ്ങനെ രണ്ടുചെണ്ടകള് ഉരുണ്ടുകളിക്കുന്ന ഈ അണ്ഡകഡാഹത്തില് ജീവിക്കുമ്പോള്!
ആ സമര്പ്പണത്തിനായി ഒരിലഞ്ഞിത്തറമേളം കാഴ്ചവയ്ക്കുന്നു.
മാഞ്ജിത്തെ, ക്ഷമിക്കുക വീണ്ടും. ഇഞ്ചിയോടൊരു കാര്യം പറയാന് വന്നതാ.
ഇഞ്ചിസെ, എനിക്ക് ചട്ടിയില് വളരുന്ന മുരിങ്ങയൊന്നുമില്ല. ഇവരൊക്കെ വര്ഷത്തിന്റെ ഭൂരിഭാഗവും വീട്ടിനുള്ളില് കഴിയുന്നതുകൊണ്ട് എത്രപേരയാപാര്പ്പിക്കുക.? നിളംകുറഞ്ഞ തടിയന് (എന്നെ വിവരിക്കയല്ല) വാഴയാണ്കുലക്കുന്നത്.അവളെ വെളിയിലേക്കു ഇറക്കാറെ ഇല്ല. സ്കൈലൈറ്റിനടിയിലായതുകൊണ്ടാവാം കുലക്കുന്നത്. ചന്തമുള്ളൊരു ചട്ടിയിലായതിനാല് ഭയങ്കര ഭാരം. നിണ്ടുകൊലുന്നനെയുള്ളൊരു സുന്ദരിയുമുണ്ട്. ഏഴടി നീളത്തിലുള്ള വിങ്ങ്സ്പാനുമായി അവള് മുറിമുഴുവന് നിറഞ്ഞു നില്ക്കുന്നതിനാല് പറഞ്ഞുവിട്ടാലോ എന്നാലോചിക്കുന്നു. പിന്നെ നാട്ടീന്നു വരുമ്പോള് പല തറവാട്ടുചെടികളും കൊണ്ടുവരുന്നത് പൂക്കുന്നുണ്ട്. പറമ്പില് വല്ലതും കുഴിച്ചുവച്ചാല് അത് മാനും കുട്ടികളും അടിച്ചോണ്ടു പോവും. ഇന്നു വന്നപ്പോളുണ്ട്` മെയില് ബോക്സില് ഒരു നോട്ടീസു കിടക്കുന്നു, ഞങ്ങളുടെ പരിസരത്ത്`ഒരു കറുത്തകരടിയെ കാണുന്നുണ്ട്, സൂക്ഷിക്കുക എന്ന്.
ഇഞ്ചീസെ, ആ അത്തപ്പൂ പടത്തില് പച്ച ബാക്ക്ഗ്രൗണ്ട് എന്താണ്? പുല്ലാണോ?
അല്ല റീനീ, ഒരു സംശയം ചോദിച്ചോട്ടെ? (മഞ്ചിത്ത് സാര് ക്ഷമിക്കുമല്ലോ? ;)
നിങ്ങടെ ഒക്കെ വീട്ടിനുള്ളില് ചേമ്പ്, ചേന, വാഴ, മത്തന്, തുളസി, കറിവേപ്പ്, വെറും വേപ്പ്, കുറുന്തോട്ടി, ഇഞ്ചി, ഗ്രാമ്പു, പനിക്കൂര്ക്ക, വെറും കൂര്ക്ക ഈമ്മാതിരി സംഭവങ്ങള് ഒക്കെ കാടുപോലെ വെച്ചു പിടിച്ചാല് പിന്നെ നിങ്ങടെയൊക്കെ ഭര്ത്താക്കനമാരും കുട്ടികളും ഒക്കെ എവിടാ താമസിക്കുന്നെ? അതോ അവരൊക്കെ പുറത്ത് ടെന്റടിച്ച് കൂടിയേക്കുവാണോ?
അകത്തുള്ള ചെടീടേം വള്ളീടേം വിവരണം കേട്ടിട്ടടത്തോളം ആ കറുത്ത കരടിയേ പേടിക്കണ്ട കാര്യം ഉണ്ടെന്നു തോന്നുന്നില്ല. അതെങ്ങാനും വീട്ടിനുള്ളില് എത്തിയാലും ആ കാട്ടില് വഴിതെറ്റിപ്പോവത്തേയുള്ളൂ.
ഓടോ: ‘ചെണ്ട’ എന്നു പറഞ്ഞ് കൊട്ടിയതിനുള്ള മറുപടി ഞാന് ആലോചിക്കുന്നുണ്ട്. :)
ഇവിടെ അമ്പതെന്നെ നോക്കിയിരിക്കുവായിരുന്നു അല്ലേ? എല്ലാരും ക്ഷമിക്കണേ:)
ആദീ ദീ ദീ, എന്തൊരു കമന്റ് :) ചെണ്ട തന്നെ ചെണ്ടക്കാരനാകുക! മഹാദ്ഭുതം തന്നെ...
റീനി, വീട്ടിനകത്ത് കാടുള്ളതുകൊണ്ടാണോ കരടി എത്തിയത്? :)
ഇവിടെ ന്യൂ ജേഴ്സിയിലും മൊത്തം കരടികളാണ് (എന്നെപ്പറ്റി പറഞ്ഞതല്ല) (ഇനി റീനിയും എന് ജെ യിലെങ്ങാനുമാണോ?)
ആദിത്യോ, ഭര്ത്താവും കൊച്ചുങ്ങളും വിടിന്റെ ഒരു മൂലയിലേക്ക് മാറിക്കൊണ്ടിരിക്കുന്നു. അത്യാവശ്യം വന്നാല് ഒരു റ്റെന്റും ഗരാജിലുണ്ട്. വീടിനകത്ത് ധാരാളം ചെടിയുണ്ട്, സത്യം പറയുകയാ. കരടിയുടെ കാര്യവും സത്യമാ. ആദ്യം വാഴക്കുല വെട്ടിയപ്പ്പ്പോള് ഞാനും ചേട്ടായിയും കൂടെ ഒരു വാഴപ്പാര്ട്ടി നടത്തി ഇലയില് ചോറുകൊടുത്തു. ഇലയട, വാഴപ്പിണ്ടിപ്പിക്കിള്, ഒക്കെ ഉണ്ടായിരുന്നു.
പാപ്പനെ, അടുത്ത വീക്കെന്റില് ചിത്രയുടെ പാട്ടുകേള്ക്കാന് NJയില് വരുന്നുണ്ട്`.
റീനിയേയ്, പിന്മൊഴികള് നോക്കിക്കൊണ്ടിരുന്നപ്പോള് ഞാനാലോചിക്കുവായിരുന്നു ഈ മാഞ്ജിത് മാഞ്ജിതെന്നാലെന്തോന്നു മാഞ്ജിയം പോലെ വല്ലതുമാണോന്നു... ഹി ഹി ഹിപ്പോ പുടിക്കിട്ട്യേയ് പൂ...ഹൂ...യ് :P
(മന്ജിത്തേ, മാപ്പുതരൂ)
റീനി, ഗാനമേളയുടെ പരിസരങ്ങളില് കറുത്ത കരടി പോലിരിക്കുന്ന ഒരു മനുഷ്യനെക്കണ്ടാല് സംശയിക്കണ്ട “പാപ്പാനേ” എന്നു വിളിച്ചോളൂ. ഞാനാണതെങ്കില് സുസ്മേരവദനനായി തിരിഞ്ഞുനില്ക്കും.
ജാഗ്രത: കരടി പോലത്തെ വേറാരെങ്കിലുമോ, സാക്ഷാല് കരടി തന്നെയോ ആണെങ്കില് സന്തോഷിന്റെ ബ്ലോഗിന്റെ പേര് പോലാകും.
നിക്കിനൊരു ചുക്കും മനസ്സിലായില്ലെന്നു് 'നിക്കു മനസ്സിലായി :)
ചുമ്മാ !!!
ഉമേഷേട്ടന് ചുക്കും ഗെക്കും വായിച്ചിട്ടുണ്ടോ??? :D
റീനിക്കുട്ട്യേ
ഇതൊന്നും ഞാന് വിശ്വസിക്കൂല്ല്ല, എനിക്കു ഫോട്ടോം കാണണം. അല്ല്ലാണ്ട് അമ്മച്ചിയാണെ വിശ്വസിക്കൂല്ല. (ഫോട്ടോ ഓസിന് കാണാന് ആണെ).പ്ലീസ് ഫോട്ടോം ഇടണെ.
അദിയെ,
ഭര്ത്താവിനേം പിള്ളേരെം എവാണ്സ്റ്റോണിലെ ഒരു അപ്പാര്ട്ടമെന്റിലോട്ട് വിടുന്നുണ്ട് സ്ഥലം തീരുമ്പൊ. എന്തെ? (ഇന്നസന്റ് സ്റ്റൈലില് )
മഞ്ജിത്തെ, ഒന്നുകൂടി ക്ഷമിക്കണേ.
നിക്കേ, സായിപ്പിന്റെ നാട്ടില് അങ്ങനെ നീട്ടിയല്ലേ പേരു വിളിക്കുക? അഞ്ജലി ആഞ്ജലി ആവുന്നതുപോലെ.
ഇഞ്ചീസേ, പടം പോസ്റ്റ് ചെയ്യുന്നതിനുള്ള ട്രിക്കറിഞ്ഞൂടല്ലോ! പഠിച്ചിട്ട് പോസ്റ്റ് ചെയ്യാം. സംക്രാന്തിയും കൃസ്തുമസ്സും ഒന്ന് കഴിഞ്ഞോട്ടെ.
ഹോ, അപ്പോ, ഈ മന്ജിത്തും പുലിയാണല്ലേ...?
വേറൊന്നും തൊന്നല്ല്, ബ്ലൊഗുകള് വായിക്കാന് തുടങ്ങിയതില് പിന്നെ എനിക്ക് ആകെ പോഷിപ്പിക്കാന് സാധിച്ച ഒരു സാധനം "അസൂയ" എന്നുള്ളത് മാത്രമാണ്.
Post a Comment